Новости : Выльторъяс
06-10-2009 

«Армияын служитысьöс нимöдам»—татшöм пас улын лоö Коми Госсöветын «веськыд йитöда» сёрни


Октябрь 7 лунö Коми Республикаса Государственнöй Сöветöн веськöдлысьöс вежысь Станислав Хахалкин нуöдас «веськыд йитöда» телефон пыр «Армияын служитысьöс нимöдам» пас улын сёрни.

Звöнитчысьяслöн юалöмъяс вылö вочавидзасны сідзжö Коми Республикаса военнöй комиссар Дмитрий Федин, Сыктывкарса да Сыктывдін районса военком Игорь Безручко, юркарса военкоматысь врач Наталья Захарова да КР-са Юралысьлöн сöветник Александр Пасечник.

Коми Госсöветын «веськыд йитöда» сёрнинас пансьö «Армияын служитысьöс нимöдам» акция, коді мунö быд во том йöзöс армияö босьтан кадö. Тайö акциясö нуöдö Афганистанса ветеранъяслöн республикаса союз Коми Госсöвет да «Единая Россия» ютырлöн Коми регионса юкöн отсöгöн.

Комиысь уна-ö том мортöс босьтасны таво Россияса армияö? Кöні кутасны служитны миян республикаысь зонъяс? Кыдзи веськавны альтернативнöй служба вылö? Тайö да мукöд юалöмöн шыöдчыны, а сідзжö мöвпъясöн да видзöдласöн юксьыны позяс Сыктывкарын 21-40-56 номера телефон пыр 16 час 30 минутсянь 17 час 30 минутöдз.

Республикаса мукöд кар-районысь звöнитчысьяслöн сёрниысь вештысяс Коми Республикаса Государственнöй Сöветлöн аппарат.
Новости : Выльторъяс
 


При использовании материала ссылка на сайт Государственного Совета
Республики Коми (gs.rkomi.ru) обязательна.

 

Webmaster