Новости : Выльторъяс
05-10-2009 

Коми Госсöветöн веськöдлысь Марина Истиховская ветліс Инталы 55 во тырöмлы сиöм кыпыд гаж вылö


Октябрь 2 лунö Инта карлы тырис 55 во. Такöд йитöдын кыпыд гаж вылö волісны Коми Республикаса Государственнöй Сöветöн веськöдлысь Марина Истиховская да сійöс вежысь Станислав Хахалкин.

1931-1991 воясö из шом туялысь-корсьысьяслы сиöм казьтылан из дорын митинг вылын чукöртчöмаяс водзын сёрнитігöн М.Истиховская пасйис: «Интаын бур традицияöн лоис заводитны юбилейлы сиöм гажсö тані. 30-öд воясö татчö воысьяс босьтчисны туявны из шом куйлöдъяс. На пиысь кодсюрö воисны татчö ас кöсйöм сертиныс, мукöдыс—эз. Но ставныс найö бурас эскöмöн кыпöдісны миянлысь карнымöс». Коми Госсöветöн веськöдлысь тöдчöдіс, мый Интаын медся донаыс—татчöс войтыр, да аттьöаліс ставнысö, кодъяслöн зільöмöн вöлі кыпöдöма Войвыв кытш бердын тайö карсö.

М.Истиховская сідзжö сёрнитіс юбилейлы сиöм собрание вылын. «Первойсяньыс индустриальнöй, шахтёръяслöн тайö карас олысьяслöн водзмöстчöмöн сöвмисны тані и театр да литература. Тайö традицияяссö водзö озырмöдöны миян челядь. Миян землякъяс öні олöны да уджалöны Россия пасьталаын. И ми век эскам: сьöкыд здукö интасаяс отсаласны öта-мöдыслы.

Инталöн чужан лунö ме кöсъя тіян пиысь быдöнöс аттьöавны чужан кар дорö ыджыд муслунысь. Сьöлöмсянь сиа Интаса быд семьялы став бурсö. Эска, талун миянкöд тшöтш Инта карлысь чужан лунсö пасйöны уна сюрс земляк, кодъяс олöны чужан карсьыныс бокын»,—тöдчöдіс республикаса Госсöветöн веськöдлысь.

Новости : Выльторъяс
 


При использовании материала ссылка на сайт Государственного Совета
Республики Коми (gs.rkomi.ru) обязательна.

 

Webmaster