Новости : Выльторъяс
30-09-2009 

Коми Республикаса Государственнöй Сöветöн веськöдлысь Марина Истиховская чолöмалiс велöдан юкöнын уджалысьяслöн республикаса чукöртчылöм вылö волысьясöс


Сентябрь 30 лунö Сыктывкарын мунiс республикаса велöдан юкöнын уджалысьяслöн «Миян выль школа». Опыт. Мытшöд-падмöг. Водзö вылö могъяс» национальнöй нырвизь збыльмöдöм кузя форум.

Велöдысьяс дорö чолöмалана кывйöн шыöдчис Коми Республикаса Государственнöй Сöветöн веськöдлысь Марина Истиховская.

Сiйö аттьöалiс педагогъясöс Госсöветлöн «Менам школа» да «Парламентлöн вежон» уджтасъясö пырöдчöмысь. Марина Истиховская висьталiс, мый «Менам школа» проект серти сiйö нуöдiс Интаса 5 номера школаын ныв-зонмöс профессияö туйдöм кузя урок, да вöзйис педагогъяслы сетны челядькöд тайö уджыслы ыджыдджык тöдчанлун, тшöтш и депутатъясöс да бизнесö нырччысьясöс ышöдöмöн.

Госсöветöн веськöдлысь корис педагогъясöс депутатъяскöд öтув зiльны челядьлысь правояссö дорйöм, торйöн нин тыр арлыдтöмаясöс мыж вöчöмысь öлöдöм могысь. «Ми тiянкöд öтвылысь дасьтiм тайö оланпассö. Тi, педагогъяс, бурджыка гöгöрвоанныд, кыдзи сыöн вöдитчыны. Вöзъя и водзö öтвылысь ёнмöдны тайö законсö, кодöс збыльмöдöмыс отсалас бурмöдны миян челядьлысь да ставнас обществолысь олöмсö», – тöдчöдiс Марина Истиховская.

Сiйö сiдзжö ошкис форум вылын Коми Республикаса Юралысь Владимир Торлоповлысь вöзйöмсö, медым локтан велöдчан воын нуöдны республика пасьталаысь бать-мамлысь öтувъя собрание.

Новости : Выльторъяс
 


При использовании материала ссылка на сайт Государственного Совета
Республики Коми (gs.rkomi.ru) обязательна.

 

Webmaster