Новости : Выльторъяс
25-09-2009 

Коми Госсöветöн веськöдлысьяс аддзысьласны ветеранъяслöн кар-районса сöветъясö пырысьяскöд


Сентябрь 25 лунö Коми Государственнöй Сöветын аддзысьласны республикаса парламентöн веськöдлысьяс да ветеранъяслöн кар-районса сöветъясö пырысьяс.

Аддзысьлöм вылас воласны Коми Госсöветöн веськöдлысь Марина Истиховская, сійöс вежысьяс Станислав Хахалкин, республикаса ветеранъяслöн сöветöн юрнуöдысь, да Евгений Шумейко. Ветеранъяслöн котыръясын водзмöстчысьяс—50 гöгöр морт—öні бурдöдчöны Максаковкаын дзоньвидзалун ёнмöдан республикаса шöринын.

Аддзысьлöм дырйиыс сёрниыс лоö ветеранъясöс дорйöм кузя социальнöй уджтасъяс олöмö пöртöм йылысь. Общественнöй котыръясö пырысьяс висьталасны, мый вöчсьö та могысь кар-районъясын.

Аддзысьлöмыс лоö КР-са Госсöветлöн ичöт залын (211-öд жырйын) 15 часын.

Новости : Выльторъяс
 


При использовании материала ссылка на сайт Государственного Совета
Республики Коми (gs.rkomi.ru) обязательна.

 

Webmaster