Новости : Публикации в СМИ
11-09-2009 

"Йöлöга". Госсöветса депутатъяс - велöдысьяс


Сентябрь медводдза лунö республикаын заводитчис «Родная школа» акция. Госсöветса депутатъяс ветлiсны школаясö, кытöн асьныс велöдчывлiсны, да нуöдiсны восьса урокъяс.

Республикаса Госсöветöн веськöдлысь Марина Истиховская волiс чолöмавны Интаса 9-öд школаса первоклассникъясöс. Сiйö шыöдчис велöдысьяс дорö.

— Медым быдтыны челядьысь бур йöзöс, колö пыдди пуктыны традицияяс. Буретш тадзи и вöчöны 9-öд школаын. Традицияяс — медся коланаыс Россияса педагогикаьш, — тöдчöдiс Марина Истиховская.

Госсöветса спикер нуöдiс 10 да 11 класса велöдчысьяслы урок, сiйöс вöлi сиöма профессия бöрйöмлы. Ныв-зон висьталiсны, мый кöсйöны лоны юристъясöн, экономистъясöн, милиционеръясöн, бурдöдысьясöн, инженеръясöн да рабочöйясöн. Марина Истиховская шуис, мый профессия бöрйигад колö мöвпыштны сылöн аскиа лунын коланлун йылысь.

Госсöветса мукöд депутатъяс сiдзжö ветлiсны школаясö. Валерий Марков волiс Удора районысь Косланса школаö, Виталий Габуев — Ухта районса УРМЗ посёлокö. Сыктыв районысь Визинса школаö ветлысьясöс чолöмалiс Алексей Цыпанов. Михаил Брагин волiс Сыктывкарса 21-öд школаö. Станислав Хахалкин гажöдчис первоклассникъяскöд Сыктывкарса 36-öд школаын. «Родная школа» акция мунiс сентябрь 4-öд лунöдз.


Новости : Публикации в СМИ
 


При использовании материала ссылка на сайт Государственного Совета
Республики Коми (gs.rkomi.ru) обязательна.

 

Webmaster