Новости : Выльторъяс
08-09-2009 

Коми Республикаса Государственнöй Сöветöн веськöдлысь Марина Истиховская воліс Усинскса ветеранъяслöн сöветö


Сентябрь 4-5 лунъясö Коми Республикаса Государственнöй Сöветöн веськöдлысь Марина Истиховская вöлі Усинскын республикаса мусир промышленносьтлы 80 во тырöмлы сиöм кыпыд чукöртчылöмъяс вылын.

Сентябрь 5 лунö такöд йитöдын Марина Истиховская воліс карса ветеранъяслöн сöветö. Олöма йöзкöд аддзысьлігöн вöліны тшöтш Госсöветöн веськöдлысьöс вежысь Станислав Хахалкин, Афганистанса ветеранъяслöн котырын республикаса юкöнöн юрнуöдысь Пётр Байда, «Усинск» карса кытшöн юралысьöс вежысь Тамара Николаева. Марина Истиховская чолöмаліс ветеранъясöс мусир перъян промышленносьтлöн юбилейöн да Усинск карлы 25 во тырöмöн.

Тайö аддзысьлöм дырйиыс сёрниыс вöлі ветеранъяслы Усинскса администрациясянь социальнöй отсöг вичмöдöм йылысь. Марина Истиховская торйöн пасйис карса уна сикас организациясянь ветеранъяслы отсöг вичмöдöм йылысь. «Ветеранъяс пиысь быдöн вöсна тöждысьö карса сійö либö мöд предприятие. Тайö отсалö бурджыка дорйыны олöма йöзöс, на пиысь некод оз коль отсöгтöг»,--шуис Марина Истиховская. Сылöн видзöдлас серти, олöма йöз вöсна тадзи жö колö тöждысьны республикаса став кар-районас.

КР-са Госсöветöн веськöдлысь вылö донъяліс ветеранъяслысь прöст кад котыртöм кузя уджсö. Торйöн кö, олöма йöзöс курсъяс вылын кутасны велöдны вöдитчыны компьютерöн.

Новости : Выльторъяс
 


При использовании материала ссылка на сайт Государственного Совета
Республики Коми (gs.rkomi.ru) обязательна.

 

Webmaster