Новости : Выльторъяс
31-08-2009 

Коми Республикаса Государственнöй Сöветöн веськöдлысь Марина Истиховская воліс «Зеленецкöй» чипан видзан фабрикаын выль цех восьтöмкöд йитöдын кыпыд чукöртчылöм вылö


Август 28 лунö Сыктывдін районын воссис «Зеленецкöй» чипан видзан фабрика» ВАК-лöн выль инкубационнöй цех. Сійöс восьтігöн вöлі тшöтш Коми Республикаса Государственнöй Сöветöн веськöдлысь Марина Истиховская.

Чолöмалана кывйöн шыöдчигöн Марина Истиховская пасйис, мый Коми Республикалы чужан лун кежлас вичмис уна козин, тшöтш и выль производствояс, мыйысь торйöн нин нимкодь. «Инкубационнöй цехсö восьтöмыс зэв тöдчана абу сöмын чипан видзан фабрикалы, но и ставнас республикалы тані олысьясöс быд лун колана сёян-юанöн могмöдöмкöд йитöдын»,--пасйис Марина Истиховская. Сійö чолöмаліс «Зеленецкöй» ВАК-ын уджалысьясöс предприятиесö восьтöмсянь 25 во тырöмöн. Тайö праздниксö пасйöны август 28 лунö.

Чипан видзан фабрикаса генеральнöй директор Николай Чёрный висьталіс, мый инкубационнöй цехсö восьтöм бöрын лои помалöма предприятиеас техническöй оборудование выльмöдöм кузя став уджсö. «Ми видзим та могысь 1 миллиард сайö шайт, инкубационнöй цехсö кыпöдöм вылö--200 миллион гöгöр. И тайö сьöмсö некодлысь эг удждöй, ставыс асланым»,--тöдчöдіс Николай Чёрный.

Новости : Выльторъяс
 


При использовании материала ссылка на сайт Государственного Совета
Республики Коми (gs.rkomi.ru) обязательна.

 

Webmaster