Новости : Выльторъяс
27-08-2009 

Сентябрь 1 лунö Коми Госсöветысь депутатъяс воласны асланыс школаясö


Сентябрь 1 лунö Коми Республикаса Государственнöй Сöветöн веськöдлысь Марина Истиховская волас Инта карса 9 номера шöр школаö, кодöс ачыс помаліс.

Республикаса парламентысь спикер первой классö пырысьяскöд тшöтш гажöдчас налы сиöм праздник дырйи да нуöдас 11-öд классын велöдчысьяслы восьса урок.

Асланыс велöдчанінö воласны и Валерий Марков (Удора районысь Кослан сиктса шöр школа), Александр Рогов (Сыктывкарса 12 номера шöр школа), Полина Голованова (Сыктывкарса 9 номера шöр школа), Михаил Брагин (Сыктывкарса 21 номера школа), Василий Попов (Сыктывкарса 1 номера шöр школа), Алексей Цыпанов (Сыктыв районысь Визинса шöр школа).

Кыдзи и кольöм велöдчан воясö, сентябрь 1 лунö КР-са Госсöветысь депутатъяс нуöдасны республикаса школаясын парламентлы сиöм урокъяс. Таво парламентарийяс воласны регионса велöдчанінъясö нёльöдысь нин.
* * *
Депутатъяслöн школаын велöдчан воясся снимокъясöн позьö тöдмасьны öтуввезйын Коми Республикаса Государственнöй Сöветлöн лист бокын «Родная школа» юкöнын: http://gs.rkomi.ru/sektions/45/.

Новости : Выльторъяс
 


При использовании материала ссылка на сайт Государственного Совета
Республики Коми (gs.rkomi.ru) обязательна.

 

Webmaster