Новости : Выльторъяс
03-08-2009 

"Комиинформ". Коми Госсöветысь йöзкöд йитöд кутöм да СМИ-яскöд öтув уджалöм кузя отдел лоис юöр сетан медбур уджтас вылö став Россияса конкурсын вермысьöн


Коми Госсöветысь йöзкöд йитöд кутöм да СМИ-яскöд öтув уджалöм кузя отдел лоис юöр сетан медбур уджтас вылö став Россияса конкурсын вермысьöн.

Вöчöма Россия Федерацияса субъектъясысь государственнöй законодательнöй да исполнительнöй власьт тэчасъясысь пресс-службаяслöн юöр сетан медбур уджтас вылö конкурслы кывкöртöдъяс.

Кыдзи юöртiсны «Комиинформлы» Россияса парламентлöн вылыс палатаса пресс-службаын, став Россияса тайö конкурсас вермысьяс лыдын Коми Госсöветысь йöзкöд йитöд кутöм да СМИ-яскöд öтув уджалöм кузя отдел. Татшöм вылö донъялöмаöсь «Видлалам öтвылысь» (курыд юанторйöн вузасян кад чинтöм йылысь интернет-технология отсöгöн йöзкöд öтувъя сёрни нуöдöм кузя), а сiдзжö «Морт да туй» (туй вылын неминучаысь видзчысьöм могысь оланпас дасьтан уджö йöзлöн пырöдчöм кузя) уджтасъяс.

Вермысьяс лыдын сiдзжö Чувашия Республикаса президентлöн администрацияысь пресс-служба, Краснодар крайысь Законодательнöй Собраниелöн аппаратысь информационно-аналитическöй управление да Воронеж обласьтса Думалöн пресс-служба.

Вермысьясöс нимöдасны Федерация Сöветын Россия Федерацияса субъектъясысь государственнöй законодательнöй да исполнительнöй власьт тэчасъясысь пресс-службаясöн юрнуöдысьяслöн (пресс-секретаръяслöн) быд вося семинар-сöвещание дырйи.

Новости : Выльторъяс
 


При использовании материала ссылка на сайт Государственного Совета
Республики Коми (gs.rkomi.ru) обязательна.

 

Webmaster