Новости : Выльторъяс
21-07-2009 

Республикаса Государственнöй Сöветöн веськöдлысь Марина Истиховская юкö шогсö матыссаясыскöд да рöдвужыскöд Коми Республикаса Юралысьöс вöвлöм вежысь Ирма Кутаевалöн кадысь водз кувсьöмкöд йитöдын


Республикаса Государственнöй Сöветöн веськöдлысь Марина Истиховская юкö шогсö матыссаясыскöд да рöдвужыскöд Коми Республикаса Юралысьöс вöвлöм вежысь Ирма Кутаевалöн кадысь водз кувсьöмкöд йитöдын.

«Республикаын став олысьыскöд тшöтш шогала. Зэв ыджыд воштöм лоис миянлы. Мунiс олöмсьыс ыджыд вежöра да зумыд лов пыкöда нывбаба.

Ме вöлi тöдса Ирма Альбертовнакöд студенталан вояссянь на. Сiйö пыр вöлi зэв кывкутысь мортöн. Социальнöй юкöнын, мыйöн веськöдлiс сiйö бöръя воясас, колö вöлi лоны торйöн нин мывкыдаöн да бур сьöлöмаöн. Но кöть кутшöм эз вöв сьöкыд, сiйö некор эз петавлы этшсьыс, пыр зiлис кутны асьсö колана ногöн да восьлалiс олöмас аслас туйвизьöд юрсö вылын кутöмöн.

Ставкöд öтлаын шогалiгöн кöсъя пыдди пуктöмöн шыöдчыны Ирма Альбертовналöн рöдвуж дорö да висьтавны ыджыд аттьö сыысь, мый налöн семьяыс быдтiс-воспитайтiс да сетiс миян республикалы татшöм югыд да сöстöм лола мортöс. Сiйö пыр кежлö коляс миян сьöлöмъясын», – тöдчöдiс Марина Истиховская.

Новости : Выльторъяс
 


При использовании материала ссылка на сайт Государственного Совета
Республики Коми (gs.rkomi.ru) обязательна.

 

Webmaster